四年一度的奧運終於完滿結束,今屆奧運我同左屋企人去左睇馬術比賽,分別是盛裝舞步同場地障礙賽,能夠參與四年一度的盛事十分難得,而且在那麼近的地方舉行奧運比賽是十分難得,對本人而言,場地障礙賽比盛裝舞步好睇,因為較刺激而且亦容易分辨選手及馬匹的優劣.中國在開幕及閉幕禮都十分有心思,令人眼前一亮,不過對於開幕禮中放的腳板煙花只有一個是真,其餘廿八個是電腦效果感到十分失望,對於這種電腦效果及幕後代唱的行為我覺得有待商榷.

另一方面,一個人去睇戲係我近排鐘意做既野.

(閱讀全文)

今日已經係前老板走左後的一個月,一切運作如常,所有野都上了軌道,而我都功成身退返番去自己個位做野,因為自己之前上左部門幫手,之後又去教新人做野,所以日日都唔係位,而家唔使上去都幾開心,因為上面既野急既真係好急,我係一個好唔鐘意俾 d野迫住我做野既人,所以我好憎果種感覺!!

另外,暑期工既兩個男仔還有一兩個星期便返番去讀書,之後便冇左兩個幫手,而且現在因為奧運進行中以及其他節目都加集數,所以工作量有增無減.有好野都拖住條尾,之後要開始台慶,藝員生日會同藝員晚宴,諗起都恐怖!!

原來八月真係好多人生日,今個月都同左唔少人食飯,祝各個壽星仔壽星女生日快樂!!

今日上網見到有部我的 dream desktop,有觸控,有眼仔,500 gb harddisc又有4 gb ram,真係滿足哂我既要求,好想買 ar!! http://h50025.www5.hp.com/ENP5/Public/Content.aspx?contentID=24825&portalID=368&pageID=1

便去,因為我二家姐想去訂雜誌,通常第一日的贈品會係最多野揀,當日我地兩個都放假,不過去下食早餐,hea到成十一點先入場,因為下午一時前入場係十蚊,所以點都會早 d入去,原本諗住唔會去行好耐,點知行到夜晚九時左右才離開會場.

今次我買左十五本書,分別是:

1. 圖解鍊金術,圖解近身武器

2. 老夫子魔法教室:成語班 (老夫子的漫畫好耐無出新野 la)

3. xo的創意思維 (呢本野想買好耐,而且書展好平,only $10)

4. 型男講座 1,2 (好鬼爛 gag的書)

5. 漫畫兩本: 維納斯綺想曲

6. 日本古城建築圖典 (日本的城堡如何建造,我都想知)

7. 日本家徽圖典 (想知日本的家徽點來好耐)

8. 阿富汗護身符 (呢本書係苗圃行動個 counter買,$20一本,一個外國人因為一張地氈而引發起探究阿富汗)

9. 千萬別對躁鬱症的人說加油! (一本半漫畫形式的書介紹躁鬱症)

10. ceo 實戰手冊 (黃毅力的作品,係我買的書之中最貴的一本)

11. 四個婚禮及一個葬禮 (葉劉淑儀自傳)

12. 雜誌 smart 送 bathing ape 拖鞋

今次買的書有好好笑的及比較輕鬆的(1-5),資訊歷史類(6-9),個人經歷(10,11:兩本都附有親筆簽名),以及雜誌(12),另外我還另外訂了 capital,因為他的訂閱贈品是價值400幾蚊的 headphone一個.

近排有三個新玩意,分別是 mp4,pda phone 同 lomo相機.

1. mp4

這個 mp4是用東亞信用咭積分再加錢換,換之前都有去 sony 專門店睇一睇件實物,覺得唔錯才換,因為之前都有用 sony的 mp3,所以覺得個介面好易用,有唔少方便鍵,而且音效可自己再調較,加上輕身而且 mon大,可以俾我播 mp4,不過覺得入歌的程式較之前的繁複 ,但可以成為我的流動影院及儲存器(內置4GB),而且即插即用,入歌可不用程式,直接拉入去便可以, so easy~~

2. pda phone

換左部手提,最好玩是可以加裝軟件令部手提更合乎自己的需要,不過暫時部 pda phone未播到 mpeg4,因為之前加裝左一個 software,搞到我要 hard reset部野,之前裝既野同 data都冇哂,勁傷心.所以裝 software要留意要 backup d data.

3.  lomo相機

部相機是幫阿姐收拾野的時候佢俾我的,因為我一路都好想有一部 lomo,以前係 Page One都有拎過上手睇,不過因為好似好玩具,所以冇買到.而家終於有一部我自己的相機 ,部機特別的地方是有顏色的閃光燈以及可以作長時間曝光,所以影出來的相會好特別.另一方面,入菲林的相機我都未玩過,因為而家用的相機都係插 memory stick,有埋screen睇下張相得唔得,所以影左既相我都好少曬出來,反而而家用左呢部野會心急想睇下自己影出來的作品係點樣.

不經不覺已經出來做野一年,回想起這一年的點滴覺得時間過得好快,但辛苦的時侯又覺得度日如年。做野有開心的時侯,也有覺得很痛苦的時侯,不過工作令我明白了一些做人處世的技巧,這些都是以前返學讀書時沒有教的,相信經驗是累積返來,希望假以時日,可以唔使撞咁多板!!有時聽一聽已經做了十幾二十年野的人,他們所傾既話題以及分享的經驗,都有不少的地方值得我參考及借鏡。這亦是我覺得這一份工令我有所得著的地方.

不過,昨天放工的時候勁黑仔,不但上唔到員工巴士要等十五分鐘才有下一班,而且返屋企的巴士又在一個偏僻的巴士站死火,要等三十分鐘才能迫上巴士,真係灰到爆,無 la la 浪費了我四十五分鐘的光陰!!

有時覺得做野樣樣都不如意,阿頭難頂,份工做得唔開心,冇滿足感,人工又唔係高過人,好氣餒,灰到爆。究竟份份工都係咁,定係有時份工做得耐,冇野滿足到我?

而家兩邊都走來走去幫手,雖然可避免被阿頭的"煩音"騷擾,但是上面又迫住要做野以及接人電話,真係唔係想像中咁好玩。點解要俾人迫我做我唔鐘意既野。

厭倦是我對於這份工作的一年後感,到了七月三日便了一週年,這份工令我學了不少野,而且同事對我都不錯,忙的時侯有人幫我手,但做野正如 K同事所言,不是為名,便是為利,應該為 B仔而捱抑或放棄便算?

一連三天的端午節假期,於開首第一天便掛黑雨,心想是不是不用回公司,但由於原定當日派野,於是打去問阿頭怎麼辦?佢同我講係要返既,係公司 policy,真係覺得公司"待我不薄"。 

點知係之後收到個電郵通知,話如果當日冇返工的員工要補返用年假來請假,黑雨返工已經衰,重要用年假來請,雖然之前有出通知,但覺得公司好"真小人非君子"。

(閱讀全文)

昨天是秘書的 last day,由今日開始我便正式開始一人分飾兩角,既要做我原本的工作,又要兼任上面秘書的工作,對於我而言,上面的工作難度是大於我原來的工作 ,可能在上面有任何野都要自己解決,而下面我 d野做唔完都可以搵人幫手,工作的進度由自己掌握,而且比較有 teamwork,而且下面既同事 nice過上面,所以即使之前有諗過轉去上面,而家呢個念頭亦打消左.

(閱讀全文)

haha~~完全迷上左佢地,真係好正而且個 show 的氣氛好好!!  有片為証:

當日因為知道有紀念品賣,所以我同我二家姐兩個人約定係我放工後便一齊買 M記外賣,之後直接去博覽館等買 goods.

排隊等買野既牌

 我地排位置的前面人龍

我地排位置的後面人龍

點知原來真係好多人一早便去排隊買紀念品,所以我地三點三左右去到,要等到成六時四十五分才有賣到,但十分不幸地當排到我地大約前二三十個人之前便賣完場刊.

賣野的 counter

就快到目標時的前面人龍

就快到目標時的後面人龍

所以最後我同我二家姐兩人各買了一件 Rock T, Tour T 及襟章,而我亦額外買了護腕而二家姐買左佢地張 Poster.我同我二家姐都唔係佢地的超級 fans,不過佢地咁難得來香港開 concert,而且下次開 concert 會係三年之後佢地二十週年時再開,所以難得地便買咁多.

買野既 Form

買完野之後便去週圍坐左一陣,因為中午個餐 M記食左好多野,所以冇食野便入去睇 show.入場搜查好鬼嚴,要自己摷個袋俾保安睇係冇相機,一見你有相機要你放係 counter, 而且入場後 d 保安見到你有相機拎係手都會叫你出去寄存在 counter內.所以開 show之後冇人拎相機出來影,一來大家都 high左,二來 d保安都真係令人怕左唔影相,不過在唱到最後一首歌時,我都係影到 Hyde 同 Tetsu.

Hyde

Tetsu (1)

Tetsu (2)

雖然佢地成隊 band 都已經 38,39歲,但佢地個樣都好後生,真厲害!!其實個 concert 由一開始大家便開始 high 到尾,各個成員都有講廣東話,而主音(Hyde) 好識得攪氣氛,佢不時叫觀眾"跳啊!跳啊!"(用廣東話),而且大家又會舉手同叫喊,我都真係第一次睇 concert 睇到出哂汗 ,而且於encore 時全場觀眾玩人浪,真係好正,因為自從中學時期係陸運會玩過之後便冇再玩過,而且大家成功完成左一個後都會拍手,真係好好玩同好開心!  以下係在 youtube到搵到全場觀眾玩人浪的片段:

全場都 high到舉手同叫喊

由我地的座位遠影出去

舞台設計都幾好

落幕

今次四川大地震,令我知道除了房屋倒塌引致人命傷亡外,原來餘震的威力亦不容忽視,因為塌方或山石滑落亦令人命損失,此外堰塞湖亦令河水聚集在上游,當崩潰時便會令下游的村落被淹沒,對於災後重建產生困難,而且亦很難想像要放棄一個縣城,另覓地方再建一個新的.

此外,今次中國政府對災情的處理,令我對他們的印象改觀,其中我覺得溫總最好的一句話是:“活著的人的努力、你們的幸福生活就是對死者的最好安慰。”令我覺得中國政府在重視發展經濟的同時,亦冇忽視民生的重要性.

對於四川的災民希望他們能早日重建自己的家園,回復正常的生活,遇難者一路好走~~

昨天去左銅鑼灣某髮型屋剪頭髮,因為我個頭太多頭髮,所以成日好快長,不過今次剪得幾好,個髮型師都幾有心機剪,間舖頭名唔係好記得,好似一堆法文的物體!!

由於我同埋大家姐以及她的一位朋友去,但她們兩人都是剪+電+染,攪到只是剪頭髮的我在髮型屋呆等了很久,前前後後整左六個鐘,好在有買到雜誌同拎左部 NDS 去,如果唔係悶死我!!

好在係我中途出去逛的途中去左 UNIQULO 睇下衫,眼利既我見到有柯南 T,原來係 UNIQULO 因為週刊少年 JUMP 50週年整左 d 漫畫 T,而且價錢只係 $99,咁抵我當然買左件款式係少年偵探團徽章的,另一隻款係純文字或者遲 d 睇下有冇其他新款式先買.不過好期待 YAIBA 那一款,因為我真係好鐘意那一套漫畫,不過唔知點解柯南那兩款都係冇柯南的樣?

有興趣的可 click 以下網址睇:http://ut.uniqlo.com/sunmaga50th/

今次 post 上字幕版 【smap x smap + 宇多田光】的片段,字多田光作廣告歌的廣告估唔到香港可以睇到!!  而且之前國際台有一個音樂節目介紹宇多田光集大碟,重有佢自己對集碟的介紹. 

Last Friends 真係集集都有高潮位,令人期待後面的發展~~

原本諗住換老細冇咩大不了,點知我低估左場野的威力!!

一向都好照顧我的秘書昨天話唔做,雖然她是因為搵到一份新工所以先唔做,但另一原因我覺得同換老細有關.對於她的離開有 d 唔捨得 ,而且個攤子將會由本人去收拾.

(閱讀全文)

今個星期三又再病左,已經係一個月內第二次,究竟是因為將軍澳工業區太近堆填區所以多細菌,抑或是自己的抵抗力差左?? 所以星期三請左半日假返屋企休息,因為個人真係好倦,而且阿頭又叫我跟其他野,好鬼煩,所以都係唔返算.

星期四阿頭放假,真係開心,係公司度休養下我病左的身體,真係好睏,因為d藥係厲害到我冇乜食慾,唉~~病左又要返工,真係苦命!! 好在佢不在,冇人係我耳邊講野.我同女同事真係好鬼死怕佢同我地講野,又話自己對公司幾忠心,成日話幫公司慳錢,但又同其他部門找碴,真係天真又傻.

星期五,地震來了...

(閱讀全文)